Банкі вярнулі спажывецкія крэдыты: пераплата даходзіць да 84,9% гадавых

Пасля двухтыднёвай паўзы банкі зноў адважыліся даваць пазыку сваім кліентам.

У канцы мінулага года беларускія банкі сутыкнуліся з дэфіцытам грошай. Ён стаў вынікам праблем на валютным рынку і масавым адтокам дэпазітаў. У якасці абароны фінансавыя ўстановы падвысілі стаўкі па ўкладах і практычна цалкам адмовіліся ад крэдытавання насельніцтва. З такой рэкамендацыяй выступаў і Нацбанк. Пасля двухтыднёвай паўзы банкі зноў адважыліся даваць пазыку сваім кліентам. Праўда, пад вельмі высокі адсотак, піша tut.by.

Самыя дарагія крэдыты сёння прапануе Банк ВТБ (Беларусь) - пад 84,9% гадавых. Гэта ў два разы даражэй, чым да падзеяў 19 снежня 2014 г. На такіх умовах тут можна пазычыць да 150 мільёнаў на тэрмін ад 13 месяцаў да 5 гадоў. Тэрмін разгляду заяўкі - 3 дні.

З 5 студзеня крэдытаванне аднавіў і Банк Масква-Менск. Пастанову аб выдачы грошай тут абяцаюць прыняць ўсяго за гадзіну. Да 50 мільёнаў рублёў можна атрымаць на 2 гады пад 75% гадавых. Пры наяўнасці паручыцеляў банк гатовы пазычыць вялікую суму - ад 50 да 300 мільёнаў - на 3 гады пад 70% гадавых.

Пазыкі да 50 мільёнаў рублёў прапануе Альфа-Банк. У залежнасці ад тэрміну крэдытавання адсоткавая стаўка розная: на год - 65%, на два - 66%, на тры - 67% гадавых. Пераплаты можна скараціць на 3 працэнтныя пункты. Але для гэтага трэба аформіць страхоўку, кошт якой складзе да 2% ад выдадзенай сумы. Таксама банк спаганяе з кліентаў камісію за «пакет паслуг»: пры суме да 35 мільёнаў - 389 тысяч у месяц, больш - 609 тысяч рублёў.

Трастбанк прапануе кліентам крэдыт "Выгадны" пад 60% гадавых. Пастановы аб выдачы грошай прыйдзецца чакаць да 15 дзён. Максімальная сума пазыкі - да 40 мільёнаў рублёў. Пагашаць запазычанасць можна да 4 гадоў.

У Парытэтбанку можна на год аформіць "выгадную карту" на 100 мільёнаў рублёў пад 40% гадавых. Плюс да гэтага прыйдзецца заплаціць 4,5% ад сумы за зняцце наяўных. Заяўкі на атрыманне пазыкі тут разглядаюць цягам месяца.

Столькі ж давядзецца чакаць пастановы аб выдачы пазыкі і ў БПС-Ашчадбанку. Тут можна ўзяць да 60 мільёнаў на тэрмін да 5 гадоў. У залежнасці ад сумы і тэрміну выдаванне крэдыту пераплата складзе ад 37 да 38,5% гадавых.

БТА Банк прапануе крэдыт да 50 мільёнаў (да 150 мільёнаў пад заклад аўтамабіля) на тэрмін ад 3 да 5 гадоў пад 39,9% гадавых. "Стаўка можа быць зменена банкам у аднабаковым парадку. Заяўкі разглядаюцца да двух тыдняў", - адразу папярэджваюць у інфармацыйным цэнтры.