Святлана Алексіевіч: Лукашэнка трымаў аблічча перад «выбарамі», а цяпер ён вольны
60- 25.10.2015, 15:26
- 24,753
![Святлана Алексіевіч: Лукашэнка трымаў аблічча перад «выбарамі», а цяпер ён вольны](https://i.c97.org/p/articles/2015/ai-151459-aux-main-20150514_Svetlana_Aleksievich_Charter97.org_360.jpg)
ФОТА: CHARTER97.ORG
Лаўрэатка Нобэлеўскай прэміі 2015 у літаратуры пракаментавала крытыку дыктатара на свой адрас.
"Калі Лукашэнка павіншаваў мяне, хай не першы, я была рада, бо зразумела, усё ж ён палітык. І раптам вось гэты каментар", - сказала беларуская пісьменніца.
Яна выказала меркаванне, што віншаванне Лукашэнкі з прысуджэннем ёй Нобэлеўскай прэміі было зроблена праз "выбары", якія акурат набліжаліся, піша Lenta.ru.
"Тут поўна было розных камісій міжнародных, і перад сваім народам трэба было трымаць аблічча, а цяпер ён вольны", - заявіла яна.
Са слоў пісьменніцы, яна ніколі не крытыкавала беларускі народ, а толькі палітычныя пастановы Лукашэнкі.
"Я б сказала, што не пра гэта трэба сёння яму гаварыць. Народ чакае рэформаў, у народзе назапасілася энэргія. А ў нас наогул ніякай ідэі. Толькі б утрымаць уладу. Калі гэта абраза беларускага або расейскага народа, то я не ведаю, дзе і у якім часе мы жывем", - дадала Алексіевіч.