Карл Більт: Баевікі і Масква больш не ўспрымаюць Менскія пагадненні
6- 1.02.2015, 18:13
- 18,220

Прарасейскія сепаратысты больш не ўспрымаюць Менскія пагадненні. Масква таксама.
Пра гэта заявіў былы кіраўнік МЗС Швецыі Карл Більт у сваім акаўнце ў сетцы мікраблогаў "Твітэр".
"Сепаратысты больш не ўспрымаюць пагадненні, падпісаныя ў Менску. Гэта стала зразумелым з дакладу АБСЕ. А за імі - Масква", - заявіў ён.
Нагадаем, пасля сустрэчы ў Менску ў АБСЕ заявілі, што прадстаўнікі баевікоў з "ДНР" і "ЛНР" былі не ў стане абмеркаваць прапановы Трохбаковай кантактнай групы. Замест гэтага яны заклікалі да перагляду менскіх Пратакола і Мемарандума.
Пасля сустрэчы трохбаковай кантактнай групы прадстаўнік Украіны Леанід Кучма заявіў, што кансультацыі былі сарваныя ў сувязі з няяўкай падпісантаў менскіх дакументаў Аляксандра Захарчанкі і Ігара Платніцкага, а таксама ўльтыматыўнымі заявамі іх прадстаўнікоў Дзяніса Пушыліна і Уладзіслава Дэйнэгі.