ЕЗ пашырае санкцыі супраць Расеі

ЕЗ у сувязі з сітуацыяй ва Украіне пашырыць санкцыйны спіс на 19 чалавек і 9 кампаній.

16 лютага ў Афіцыйным часопісе будзе апублікаваны новы чорны спіс фізічных і юрыдычных асоб, адказных, на думку Брусэля, за эскалацыю канфлікту ва Украіне

Новыя санкцыі павінны былі ўвесці тады ж, 9 лютага, аднак, як паведамлялася, была прынятая пастанова адкласці іх уваходжанне ў дзеянне на тыдзень - праз планаваны 11 лютага, саміт «нармандскай чацвёркі» ў Менску, піша NEWSru.com.

Санкцыі маюць на ўвазе замарожванне актываў і забарону на выдачу віз, піша ТАСС.

Хто менавіта трапіў у падрыхтаваны спіс, невядома. Прэса толькі прыводзіць версіі ў персаналіях са спасылкай на ананімныя крыніцы. З уваходжаннем у дзеянне новых абмежавальных захадаў чорны спіс ЕЗ пашырыцца да 151 грамадзяніна Расеі і Украіны, уключаючы прадстаўнікоў кіраўніцтва і сілавых структур РФ, расейскіх дэпутатаў і прадпрымальнікаў, прадстаўнікоў мясцовага кіраўніцтва Крыма, а таксама грамадзян Украіны, у тым ліку прадстаўнікоў самаабвешчаных ДНР і ЛНР. Колькасць кампаній, якія падпалі пад санкцыі, дасягне 37.

5 лютага камітэт пастаянных прадстаўнікоў краін ЕЗ, выконваючы даручэнне Рады ЕЗ ад 29 студзеня, узгадніў на аснове прапаноў Еўрапейскай знешнепалітычнай службы і Еўракамісіі пастанову дадаткова ўключыць у чорны спіс у сувязі з эскалацыяй гвалту на ўсходзе Украіны 19 фізічных, у тым ліку пецярых расейскіх чыноўнікаў і 14 прадстаўнікоў сепаратыстаў, а таксама дзевяць юрыдычных асоб.

Праз чатыры дні Рада міністраў ЕЗ у замежных справах зацвердзіла гэтыя захады, патлумачыўшы неабходнасць пашырэння чорнага спісу ўзмацненнем вайсковай актыўнасці сепаратыстаў і абстрэлам 24 студзеня ўкраінскага горада Марыупаля, у выніку чаго загінуў 31 чалавек. На Захадзе вінаватымі ў трагедыі ўважаюць сепаратыстаў, так як абстрэл, паводле звестак папярэдняга расследавання, вёўся з боку тэрыторый, кантраляваных імі.

Новыя санкцыі павінны былі ўвесці тады ж, 9 лютага, аднак, як паведамлялася, была прынятая пастанова адкласці іх уваходжанне ў дзеянне на тыдзень - праз маючы адбыцца праз два дні, 11 лютага, саміт «нармандскай чацвёркі» ў Менску. Некаторыя эксперты выказалі здагадку, што ад вынікаў сустрэчы прэзідэнтаў РФ, Францыі і Украіны, а таксама канцлеркі Нямеччыны будзе залежыць і лёс санкцый.