Апытанні аб выбарах у Польшчы: Камароўскі пераможа ў другім туры

Хоць першыя апытанні паказвалі, што прэзідэнцкія выбары ў Польшчы скончацца ў першым туры, усё больш імавернай становіцца перспектыва правядзення другога тура.

Згодна з найноўшым апытаннем Millward Brown, дзейнага кіраўнік краіны Браніслава Камароўскага падтрымлівае 47% выбаршчыкаў, піша Gazeta Wyborcza.

У параўнанні з папярэднім апытаннем падтрымка прэзідэнта на выбарах, якія пройдуць, зменшылася на 18%. У другім раўндзе Камароўскаму давядзецца змагацца з кандыдатам ад партыі «Закон і справядлівасць» Анджэем Дудам. Ён можа разлічваць на падтрымку 24% апытаных.

Трэцяе месца ў апытанні c вынікам 7% займае Магдалена Агурэк з «Саюзу левых дэмакратычных сілаў», a чацвёртае (6%) - Януш Палікат, кандыдат ад партыі «Твой рух». Дзіўна высокую падтрымку, 4%, атрымаў музыка Павел Кукіз, які толькі нядаўна дэбютаваў у палітыцы. На апошніх мясцовых выбарах яму ўдалося стаць чальцом рады Сейма Ніжняй Сілезіі.

3% апытаных падтрымае Януша Корвіна-Міке, 2% - Адама Ярубаса з Польскай сялянскай партыі і 1% - Ганну Гродскую.

У параўнанні з апошнім апытаннем Millward Brown, якое было праведзенае месяц таму, падтрымка Браніслава Камароўскага паменшылася на 18% а Анджэя Дуды - вырасла на 3%.

У другім туры выбараў Браніслаў Камароўскі без праблем павінен перамагчы Анджэя Дуду. Паводле апытання за Камароўскага прагаласуе 59%, за кандыдата ад партыі «Закон і справядлівасць» - 27%. 10% апытаных не возьме ўдзелу ў галасаванні падчас другога тура выбараў.