Джон Кэры: ЗША разглядаюць ўвядзенне дадатковых санкцый

Паводзіны Расеі абсалютна не адпавядаюць прынцыпам міжнароднай супольнасці, заявіў Кэры.

Дзяржсакратар ЗША Джон Кэры заявіў аб магчымасці дадатковых санкцый супраць Расеі, паведамляе "Карэспандэнт" са спасылкай на Reuters.

"ЗША і саюзнікі не збіраюцца гуляць у гэтую гульню з Расеяй, мы разглядаем магчымасць увядзення дадатковых санкцый. Паводзіны Расеі абсалютна не адпавядаюць прынцыпам міжнароднай супольнасці", - сказаў Кэры.

Раней прэс-сакратар Белага дома Джон Эрнэст заявіў, што супраць Расеі могуць быць ужытыя больш жорсткія захады з боку ЗША і ЕЗ у сувязі з працяглымі ваеннымі аперацыямі "апалчэнцаў" на ўсходзе Украіны.