Дональд Туск: ЕЗ павінен пашырыць эканамічныя санкцыі супраць Расеі

Рада Еўрапейскага Звязу 23 лютага пачне кансультацыі на прадмет далейшага ціску на Расею.

Пра гэта сёння заявіў прэзідэнт Еўрапейскай Рады Дональд Туск журналістам падчас прагляду дакументальнай выставы "Прысутнасць. Доказы агрэсіі расейскіх войскаў на тэрыторыі Украіны" на Міхайлаўскай плошчы ў Кіеве, піша "Укрінформ".

"Я пачну мае кансультацыі ў панядзелак, каб узмацніць захады супраць агрэсіі Расеі", - сказаў ён. Са слоў Туска, перш за ўсё ЕЗ павінен пашырыць "эканамічныя санкцыі" супраць РФ.

Туск таксама адзначыў, што Еўразвяз мае "пэўныя магчымасці, каб палепшыць маніторынг уздоўж мяжы".