Тымчук: Пуцін дамагаецца ўводу ў Данбас расейскіх і беларускіх «міратворцаў»

Агульнае кіраўніцтва кантынгентам будзе праводзіць Масква.

Каардынатар групы «Інфармацыйны супраціў» мяркуе, што прэзідэнт Расеі будзе дамагацца ўводу міратворцаў у Данбас. Пра гэта гаворыцца ў паведамленні Дзмітрыя Тымчука ў сацыяльнай сетцы «Фэйсбук».

«Ледзь стаў захлынацца «шырокамаштабны наступ» расейска-тэрарыстычных войскаў, Пуцін пачаў распінацца пра «неабходнасць спынення баявых дзеянняў» ва Украіне. Рупар Крамля ў Вярхоўнай Радзе Украіны (так званы «Апазіцыйны блок») зарэгістраваў праект пастановы ВР №1847 (значыцца ў парадку дня парламента на сераду). У дакуменце значыцца «правядзенне прамых перамоваў з Расейскай Федэрацыяй» і «прыцягненне міратворчага кантынгенту» са зваротам да ААН для «размежавання варагуючых бакоў». Самі тэрарысты таксама заспявалі пра «міратворцаў» - прынамсі, учора пра гэта распавёў Дзяніс Пушылін, - піша ён.

Экспэрт мяркуе, што такім чынам рыхтуецца глеба для ўводу ва Украіну «міратворчага кантынгенту» пад расейскім кіраўніцтвам.

«Бачым сцэнар, зручны сёння для Пуціна (і меркавана па ўсім, ён пачынае рэалізоўвацца). Перш за ўсё, утрымаць ужо акупаваныя тэрыторыі. Для гэтага аптымальны варыянт - увядзенне «міратворчага кантынгенту» (зразумела, што ў асноўным расейскага, у якасці «групы падтрымкі» могуць быць выкарыстаныя кантынгенты, напрыклад, Казахстана (батальён «Казбат»), Беларусі і Арменіі - але пад агульным расейскім кіраўніцтвам). Іншыя фарматы РФ заблакуе на ўзроўні Рады бяспекі ААН, якая падае мандат.

Асаблівасць гэтага сцэнару ў тым, што ён універсальны для Масквы. У выпадку пачатку «міратворчай аперацыі» Кіеў губляе ўсякую магчымасць правядзення сваёй ваеннай аперацыі ў вызваленні Данбаса, інакш увойдзе ў канфлікт з ААН і міжнароднай супольнасцю (а таксама развяжа рукі Пуціну ў плане пачатку адкрытай агрэсіі РФ супраць Украіны, «не слухаюць» ААН і «знішчаюць мірнае насельніцтва Данбаса»). У той час, як «ДНР» і «ЛНР» (дакладней, кіруючы імі Крэмль) захоўваюць поўную магчымасць аднавіць баявыя дзеянні ва ўсякі зручны для іх момант - яны ж не прызнаныя ў якасці нейкіх дзяржаўных утварэнняў на міжнародным узроўні, а значыць, з іх нічога не возьмеш . Плюс - легалізацыя ВС РФ на Данбасе ў выглядзе «міратворцаў», - піша ён.

Дзмітрый Тымчук заклікае ўлады Украіны не дапусціць увасаблення такога сцэнару.

«Гэта - верны шлях да пазбаўлення Украіны яе тэрыторый, часова акупаваных расейска-тэрарыстычнымі войскамі. Плюс гэты варыянт не дае ніякіх гарантый таго, што зараза «рускага свету» не будзе і далей распаўсюджвацца па нашай зямлі. Наадварот - Пуцін атрымае выдатны плацдарм менавіта для такіх дзеянняў», - мяркуе ён.

Фота: ukranews.com