Федэрыка Магерыні: ЕЗ гатовы да новых санкцыяў супраць Расеі

Еўрапейскі Звяз гатовы ўвесці новыя санкцыі супраць Расеі ў сувязі з канфліктам ва Украіне.

Пра гэта заявіла шэф дыпламатыі Еўразвязу Федэрыка Магерыні на сустрэчы кіраўнікоў МЗС краін ЕЗ у Рызе, паведамляе BBC.

Магерыні выказалася супраць паставак смяротных абарончых узбраенняў Украіне, да чаго заклікалі прэзідэнта ЗША Барака Абаму прадстаўнікі рэспубліканцаў і дэмакратаў у кангрэсе.

ЕЗ, са слоў Магерыні, робіць дастаткова для рэалізацыі Менскіх дамоўленасцей. Яна назвала іх тым шляхам, якім варта ісці наперад.

Як сказала Магерыні, "цяпер Украіне патрэбныя не толькі поўнае прызнанне яе суверэнітэту і тэрытарыяльнай цэласнасці, але і мір".

Раней канцлерка Нямеччыны Ангела Мэркель таксама выказалася супраць паставак узбраенняў ва Украіну.

Фота: Reuters