МЗС Італіі пацвердзіла падтрымку санкцый ЕЗ супраць Расеі

Італія афіцыйна выказала прыхільнасць палітыцы абмежавальных захадаў у дачыненні да РФ.

Падчас сустрэчы пасла Украіны Яўгена Пералыгіна з кіраўніцтвам МЗС Італіі 30 красавіка быў разгледжаны шырокі спектр пытанняў двухбаковага супрацоўніцтва ў кантэксце падрыхтоўкі да візіту міністра замежных спраў Італіі Паола Джэнцілоні ва Украіну ў пачатку траўня.

Асобная ўвага была ўдзеленая распаўсюджаным у СМІ каментарам аднаго з чыноўнікаў Мінэканамразвіцця Італіі аб нібыта нежаданні ўрада Італіі падтрымліваць у далейшым агульнаеўрапейскую санкцыйную палітыку ў дачыненні да Расеі. Пасля гэтай заявы пасольства Украіны аб'явіла італійскім дыпламатам дэмарш.

Прымаючы пад увагу нядаўні зварот у гэтым пытанні ўкраінскага пасольства, было адзначана, што менавіта такую пазіцыю італійскага ўрада міністр Паола Джэнцілоні будзе гатовы пацвердзіць у Кіеве. У адказ італійскія дыпламаты запэўнілі ўкраінскіх, што пазіцыя Італіі ў гэтым пытанні палягае ў дакладнай прывязцы абмежавальных захадаў супраць РФ у поўнай імплементацыі Менскіх дамоўленасцей, якая была прынятая Радай ЕЗ 19 сакавіка 2015 года. Пра гэта ZN.UA паведаміў пасол Яўген Пералыгін.

Таксама бакі выказалі ўзаемнае задавальненне дасягнутым узроўнем двухбаковага палітычнага дыялогу і адзначылі перспектывы развіцця гандлёва-эканамічнага і інвестыцыйнага супрацоўніцтва ў ключавых сектарах узаемнай цікавасці.