Канстанцін Баравы: Расея цікавая Кітаю як калонія, а не як партнёр

Прэзідэнт Расеі Уладзімір Пуцін цяпер усё робіць для таго, каб Расея ператварылася ў сыравінную калонію.

Расейскі апазіцыянер, экс-дэпутат Дзяржаўнай Думы РФ і старшыня партыі «Заходні выбар» Канстанцін Баравы у эфіры праграмы «Без дурняў» на «Эхе Москвы» заявіў аб тым, што Кітай цікавіць Расея ў якасці калоніі.

«Мы цікавыя Кітаю як калонія - не як партнёр. І, увогуле, Пуцін цяпер усё робіць для таго, каб Расея ператварылася ў сыравінную калонію. Больш прапанаваць няма чаго. «Эльбрус» - кампутар, які каштуе 4 тысячы даляраў і прадукцыйнасць якога сёння, калі ён толькі з'явіўся, утрая ніжэйшая, чым у звычайнага нейкага маленькага ноўтбука, нікому не цікавы», - растлумачыў ён.

На думку апазіцыянера, кітайцы могуць рабіць прадукцыю значна лепш за расейцаў. Аднак Кітай набліжаецца да вельмі складанага пераходнага працэсу.

«Гэтая ваенізаваная эканоміка доўга існаваць не можа. Існаванне камуністычнай дзяржаўнай кіраванай ідэі і лібэральнага складнік, які дазваляе канкурыраваць на рынку, могуць спалучацца толькі ва ўмовах, калі эканоміка - гэта такі вялікі канцлагер, дзе рабочыя атрымліваюць паёк. Вось прыкладна так яно і адбываецца , гэта ўтрыманне курсу юаня да даляра - спосаб ўтрымання росту заробку, адсутнасць пенсійнай сістэмы. Гэта канцлагер, у якім, між іншым, выкарыстоўваецца праца зняволеных вельмі шырока», - прадоўжыў Баравы.

Ён дадаў, што арыентавацца на Кітай не толькі небяспечна, але і бесперспектыўна.

«Гэта дохлая гнілая ідэя - стварыць новы сусветны парадак на супрацоўніцтве з Кітаем. Гэта ад безвыходнасці, ад адсутнасці нейкіх ідэй на самай справе», - падсумаваў ён.