13 лiпеня 2024, Субота, 20:46
Падтрымайце
сайт
Сім сім,
Хартыя 97!
Рубрыкі

Палітвязні не трапяць пад амністыю

Палітвязні не трапяць пад амністыю

Цяперашняя амністыя будзе больш жорсткай да шырокага кола асуджаных.

13 траўня "дэпутаты" прынялі адразу ў двух чытаннях законапраект "Аб амністыі ў сувязі з 70-годдзем Перамогі ў Вялікай Айчыннай вайне 1941-1945 гадоў". Пад яго дзеянне трапляюць 8600 чалавек. Цяперашняя амністыя традыцыйна вызваляе ад пакарання "ільготныя" катэгорыі асуджаных: непаўналетніх, цяжарных жанчын, пенсіянераў, інвалідаў I і II групы, хворых на туберкулёз і гэтак далей. Адначасова амністыя дае палёгку асуджаным за фінансавыя злачынствы - у тым выпадку, калі яны цалкам кампенсавалі нанесеную шкоду, паведамляе "Еўрарадыё".

Але ёсць катэгорыі злачынцаў, заўважае міністр унутраных спраў Ігар Шуневіч (менавіта ён дэманстраваў законапраект), на якіх амністыя-2015 не распаўсюджваецца.

"Больш строгай стала амністыя што да вельмі шырокага кола асоб і пераліку артыкулаў Крымінальнага кодэкса, якія датычацца незаконнага абарачэння наркотыкаў. І ў дачыненні да асоб, якія ўчынілі злачынствы сексуальнага характару ў дачыненні да непаўналетніх", - заявіў Шуневіч.

Таксама пад амністыю не трапляюць забойцы міліцыянтаў, "паклёпнікі" на Лукашэнку і тыя, хто незаконна атрымаў замежную бязвыплатную дапамогу.

На пытанне аб вызваленні паводле амністыі палітвязняў Ігар Шуневіч адказаў традыцыйна: калі ўмовы амністыі будуць адпавядаць іх артыкулам і калі ў іх няма "злосных парушэнняў рэжыму, то патрапяць, калі ўмовы [амністыі] не адпавядаюць іх статусу і становішчу - значыць, не патрапяць".

Чытаем закон "Аб амністыі": там канкрэтна прапісана, што пад амністыю не трапляюць людзі, асуджаныя "за арганізацыю і падрыхтоўку дзеянняў, што груба парушаюць грамадскі парадак, альбо актыўны ўдзел у іх" і за "парушэнне парадку арганізацыі або правядзення масавых мерапрыемстваў" (паводле гэтага артыкула, напрыклад, асуджаны палітвязень Мікалай Статкевіч).

Пад амністыю сёлета патрапяць тыя, хто ў калонію або турму пасля вынясення прысуду нават не паспеў даехаць. Гаворка ідзе пра тых, тлумачыць Шуневіч, хто ўчыніў "некваліфікаванае хуліганства, менш цяжкія цялесныя пашкоджанні, першая частка артыкула пра падробку дакументаў - тыя, дзе пакаранне да трох гадоў". І ў каго прысуды да пакарання ў выглядзе арышту пачалі дзейнічаць на момант уваходжання ў дзеянне закона "Аб амністыі".

Як вядома, амністыя ў краіне адбываецца штогод, і штогод такія злачынцы вызваляюцца практычна адразу пасля прысуду. Але Ігар Шуневіч не бачыць патрэбы пераводу такіх злачынстваў з крымінальных у адміністрацыйныя: "Практыка асуджэння на арышт не такая вялікая, каб рабіць такія высновы, але мы мяркуем, што ўвядзенне такой практыкі, як арышт, у пэўнай ступені сябе апраўдала", - сказаў ён.

Таксама сачыце за акаўнтамі Charter97.org у сацыяльных сетках