Мінінфарм шукае ўладальнікаў незалежных сайтаў

Інтэрнэт-часопіс kyky.org 15 траўня таксама атрымаў ліст з Міністэрства інфармацыі аб парушэнні заканадаўства аб СМІ.

Пра гэта гаворыцца ў каментары рэдакцыі сайта.

«У ім нас паведамляюць, што «на інфармацыйным рэсурсе, размешчаным па адрасе www.kyky.org, выяўлены факты парушэння заканадаўства аб сродках масавай інфармацыі». Пра якія канкрэтна парушэнні ідзе гаворка, не паведамляецца.

Ліст «упаў» на рэдакцыйную пошту 15 траўня, але выявілі мы яго толькі праз тры дні. Так, мы не вельмі часта правяраем рэдакцыйную пошту. У Мінінфарме нам растлумачылі, што дакумент не з'яўляецца пісьмовым папярэджаннем. Папярэджанне, магчыма, рушыць услед пасля таго, як мы дамо міністэрству звесткі аб тым, хто валодае сайтам. «Прапанова» аб гэтым змяшчаецца ў канцы ліста», - гаворыцца ў каментары.

Аб атрыманні 15 траўня аналагічных лістоў заявілі іншыя беларускія інтэрнэт-СМІ: «Радыё Рацыя», Tuzin.fm, ucpb.org, «Свабодны рэгіён».