Новы блокпост на мяжы Украіны і Беларусі
2- 6.05.2015, 14:50
- 6,112
У Чарнігаўскай вобласці, якая мяжуе з Беларуссю, узмоцнены дарожны кантроль.
Увага надаецца перш за ўсё шашы Гомель-Чарнігаў. Як паведамляе «Радыё Рацыя», на трасе збудаваны дадатковы блокпост, на якім кругласутачна дзяжурыць узброены міліцыянт, нацыянальныя гвардзейцы і актывісты з чарнігаўскай Самаабароны Майдана. Пад пільны кантроль бяруцца аўтамабілі з расейскімі нумарамі, якія заязджаюць ва Украіну транзітам праз Беларусь. Яшчэ адзін кірунак кантролю - масты, чыгунка і вакзалы. Уся чарнігаўская міліцыя, а таксама СБУ пераведзеныя ва ўзмоцнены рэжым працы - гэта робіцца з мэтай папярэджання правакацый і дыверсій. Паводле звестак украінскіх спецслужбаў, правакацыі цалкам магчымыя ў Чарнігаве на святкаванні Дня Перамогі.