26 лютага 2024, панядзелак, 20:37
Падтрымайце
сайт
Сім сім,
Хартыя 97!
Рубрыкі

Палітвязню Юрыю Рубцову - 54 гады

10
Палітвязню Юрыю Рубцову - 54 гады
Юры Рубцоў
ФОТА: «Радыё Свабода»

Юрыю Рубцову, нядаўна асуджанаму да двух гадоў зняволення, сёння споўнілася 54 гады.

Свой дзень нараджэння ён сустрэў у следчым ізалятары Баранавічаў.

Юры Рубцоў нарадзіўся 29 ліпеня 1961 г у горадзе Гомлі. Жанаты.

Падчас акцыі «Чарнобыльскі шлях-2014» у Менску 26 красавіка звярнуў на сябе ўвагу яркай цішоткай з надпісам «Лукашэнка, сыходзь!». Пасля акцыі быў затрыманы супрацоўнікамі міліцыі.

28 красавіка 2014 г яго прывезлі ў суд Савецкага раёна г. Менска для разгляду адміністрацыйных пратаколаў паводле артыкулаў 17.1 КаАП («дробнае хуліганства») і 23.4 («непадпарадкаванне законным патрабаванням службовых асобаў»). Пры гэтым яшчэ пасля затрымання з Юрыя знялі футболку, цэлы дзень трымалі ў судзе з голым торсам, у такім выглядзе яго прывялі і да суддзі Кірылы Палулеха, пры гэтым амаль нікога не пусцілі на разгляд адміністрацыйнай справы. У якасці рэакцыі на гэтую сітуацыю Юрый выказаў сваю ацэнку, назваўшы такія судовыя працэсы «судзілішчам», а суддзяў, які выносяць незаконныя судовыя пастановы, «падонкамі». У выніку ён атрымаў максімальны тэрмін адміністрацыйнага арышту 25 дзён (цягам якіх трымаў галадоўку ў ЦІПе), а затым была распачатая крымінальная справа паводле артыкула 391 Крымінальнага кодэкса («Знявага суддзі або народнага засядацеля»).

6 кастрычніка 2014 Юры Рубцоў быў асуджаны судом Цэнтральнага раёна Менска да 1 году 6 месяцаў абмежавання волі з накіраваннем ва ўстанову адкрытага тыпу.

Праваабарончы цэнтр «Вясна» і РГА «Беларускі Хельсінскі камітэт» у супольнай заяве патрабуюць вызвалення Юрыя Рубцова і перагляду справы ў адпаведнасці з прынцыпамі справядлівага судовага разбору.

22 снежня 2014 г накіраваны для адбыцця пакарання ў вёску Куплін Пружанскага раёна.

Новая крымінальная справа на Юрыя была заведзеная 18 сакавіка 2015 года паводле артыкула 415 КК «ухіленне ад адбыцця пакарання ў выглядзе абмежавання волі». Пад варту яго ўзялі 6 красавіка, з 13 красавіка этапавалі ў следчы ізалятар г. Баранавічаў. Суд Пружанскага раёна прызнаў Юрыя Рубцова вінаватым паводле гэтага артыкула і прысудзіў яго да двух гадоў зняволення.

Апазіцыя і праваабаронцы ў Беларусі, а таксама за мяжой прызналі гомельскага актывіста палітвязням і патрабуюць яго вызваліць.

Напісаць каментар 10

Таксама сачыце за акаўнтамі Charter97.org у сацыяльных сетках