Беларускія праграмісты распрацавалі мабільнае прыкладанне па ПДР

Дадатак SmartRoad закліканы інфармаваць юных удзельнікаў дарожнага руху аб правілах паводзін на дарозе.

Як паведамляе ўпраўленне Дзяржаўтаінспекцыі ГУУС Мінгарвыканкама, гэты сацыяльны праект будзе спрыяць навучанню дзяцей не толькі ў ролі пешахода, але і за рулём ровара, а таксама ў якасці пасажыра транспартнага сродку. У дадатку можна знайсці эксклюзіўную інфармацыю ад Дзяржаўтаінспекцыі, Беларускага клуба аўтамотатурызма, Палаца дзяцей і моладзі, даведацца пра акцыі і мерапрыемствы для дзяцей прысвечаныя бяспецы дарожнага руху, паведамляе БелаПАН.

У ДАІ паведамілі, што апошнім часам колькасць ДТЗ з удзелам дзяцей у сталіцы скарацілася. Так, з пачатку года іх адбылося 25, гэта на 6 менш у параўнанні з аналагічным леташнім перыядам.

У Менску актыўна ўкараняюцца новыя спосабы і метады працы з дзецьмі. Так, інспектары ДАІ праводзяць лекцыі бяспекі дарожнага руху па скайпе, і распрацаваны дадатак - гэта яшчэ адзін спосаб працы з мэтавай аўдыторыяй, улічваючы, што дзеці ўсё часцей выкарыстоўваюць смартфоны.

Мабільнае прыкладанне даступна для запампоўкі бясплатнае для смартфонаў сістэмы Андроід.