28 траўня 2024, aўторак, 19:41
Падтрымайце
сайт
Сім сім,
Хартыя 97!
Рубрыкі

Спецдакладчыкам ААН распавялі пра катаванні над палітвязням Дзядком

4
Спецдакладчыкам ААН распавялі пра катаванні над палітвязням Дзядком
МІКАЛАЙ ДЗЯДОК

Спецдакладчыкі ААН маюць намер запатрабаваць ад Беларусі тлумачэнняў сітуацыі з Мікалаем Дзядком.

Адпаведнае пацвярджэнне атрыманае на зварот, які быў накіравана 2 ліпеня і ў якім выкладзеныя факты ўзмацняецца ціску на палітвязня, паведамляе БелаПАН са спасылкай на Цэнтр прававой трансфармацыі Lawtrend.

Зварот быў накіраваны спецдакладчыку ААН аб сітуацыях ў галіне правоў чалавека ў Беларусі Міклашу Харашці, спецдакладчыку ААН у пытанні аб катаваннях і іншых жорсткіх, бесчалавечных ці прыніжаючых годнасць відах абыходжання і пакарання Хуану Мэндэсу, спецдакладчыку Парламенцкай асамблеі Рады Еўропы аб Беларусі Андрэа Рыгоні, кіраўніцы прадстаўніцтва ЕЗ у Беларусі Майры Моры і прадстаўніку ПРААН у Беларусі Санаке Самарасінхе.

У лісце прыводзяцца факты таго, што Дзядок за паўтара месяца пасля пераводу ў новае месца адбыцця пакарання паводле прыгавора суда правёў у карцары 42 дні, ягонае здароўе і жыццё пад рызыкай, ён быў вымушаны ў знак пратэсту парэзаць сабе вены і жывот, быў пазбаўлены права бесперашкоднага зносінаў з адвакатам, прыцягваўся да прымусовай працы.

Ацэньваючы сітуацыю, якая склалася, Lawtrend адзначае: «Неаднаразовае змяшчэнне Мікалая Дзядка ў ШІЗА пазбаўленне яго магчымасці задавальняць свае мінімальныя патрэбы ў ежы і гігіене, перапісцы з роднымі, так як усё гэта забаронена ў ШІЗА. Прадпрымаліся шматлікія спробы абскардзіць дзеянні адміністрацыі ў рамках нацыянальных прававых механізмаў, аднак усе яны апынуліся неэфектыўнымі. Больш за тое, стала вядома, што Мікалаю Дзядку зноў пагражаюць крымінальным пераследам паводле арт. 411 Крымінальнага Кодэксу Рэспублікі Беларусь».

Цэнтр прававой трансфармацыі прыраўноўвае прымяненне адміністрацыяй калоніі №9 вышэйпералічаных дзеянняў да катаванняў і іншых формаў жорсткага, бесчалавечнага або зневажаючага годнасць абыходжання або пакарання ў дачыненні да Дзядка. «Адсутнасць эфектыўных сродкаў прававой абароны на нацыянальным узроўні змушае нас звярнуцца да міжнародных механізмаў абароны правоў чалавека ў рамках ААН, а таксама інфармаваць інстытуты ЕЗ і РЕ, позва якіх уключае пытанні захавання правоў чалавека ў Беларусі», - гаварылася ў лісце.

Нагадаем, у траўні 2011 года актывісты анархісцкага руху Мікалай Дзядок, Ігар Аліневіч і Аляксандр Францкевіч былі асуджаныя судом Заводскага раёна Менска за злачынствы, прадугледжаныя часткай 2 артыкула 339 (злоснае хуліганства) і часткамі 2 і 3 артыкула 218 (наўмыснае знішчэнне або пашкоджанне маёмасці) КК . Паводле ацэнкі праваабаронцаў, падставай для прысуду стаў удзел Дзядка ў мірнай дэманстрацыі пратэсту ля Мінабароны супраць сумесных расейска-беларускіх вайсковых вучэнняў.

У лютым гэтага года суд Ленінскага раёна Магілёва прызнаў Дзядка, які павінен быў выйсці на свабоду 3 сакавіка, вінаватым у злосным парушэнні рэжыму і прысудзіў да года і трох дзён пазбаўлення волі. Адбываць пакаранне палітвязня адправілі ў калонію №9 у Горках.

Дзядка перавялі ў горацкую калонію 12 траўня, а ўжо на наступны дзень ён быў змешчаны на пяць сутак у ШІЗА. 19 траўня яго зноў вярнулі ў штрафны ізалятар, дзе ён пакутаваў ад холаду і беспаспяхова прасіў перавесці яго ў іншую камеру. У выніку 20 траўня, каб прыцягнуць увагу дзяжурных па ШІЗА, малады чалавек парэзаў сабе рукі і жывот. Палітвязня змясцілі ў медчастку, але пасля аказання першай медыцынскай дапамогі вярнулі ў тое ж халоднае памяшканне ізалятара, дзе ён прабыў да 26 траўня. Затым Дзядка перавялі ў атрад і прызначылі да працы. Ён адмовіўся, і 2 чэрвеня яго змясцілі ў ШІЗА на сем дзён.

Напісаць каментар 4

Таксама сачыце за акаўнтамі Charter97.org у сацыяльных сетках