13 лiпеня 2020, панядзелак, 2:11
Сім сім, Хартыя 97!
Рубрыкі

Палітвязень Юры Рубцоў таксама вызвалены

26
Палітвязень Юры Рубцоў таксама вызвалены
ЮРЫ РУБЦОЎ

Аб вызваленні палітвязня ў Фэйсбуку паведаміла актывістка Вольга Нікалайчык.

З яе слоў, ён ужо патэлефанаваў жонцы з Бабруйска і паведаміў, што едзе дадому.

У кастрычніку 2014 Юры Рубцоў быў асуджаны паводле артыкула 391 КК (абраза суддзі або народнага засядацеля). Суд Цэнтральнага раёна Менска прысудзіў яго да аднаго з паловай гадоў абмежавання волі з накіраваннем ва ўстанову адкрытага тыпу.

Новая справа ў дачыненні да гомельскага актывіста была заведзеная ў сакавіку сёлета паводле артыкула 415 КК (ухіленне ад адбыцця пакарання ў выглядзе абмежавання волі) пасля таго, як палітвязень адмовіўся ад працы з заробкам ніжэй 600 даляраў (паводле афіцыйнай статыстыкі, гэта сярэдні заробак па краіне).

У траўні суд Пружанскага раёна Берасцейскай вобласці прызнаў Рубцова вінаватым і прысудзіў яго да двух гадоў пазбаўлення волі ў калоніі агульнага рэжыму з улікам неадбытага тэрміну. У ліпені Берасцейскі абласны суд разгледзеў касацыйную скаргу Рубцова і пакінуў прысуд без зменаў.

«Міжнародная амністыя» прызнала Рубцова вязнем сумлення.