Яўген Васьковіч таксама на свабодзе

Палітвязень прыбывае ў Бабруйск а 22:10.

Пра гэта charter97.org паведамілі ў прэс-службе БХД.

Сябра БХД, цяпер ужо былы палітвязень Яўген Васьковіч на волі.

Як паведаміла маці актывіста, ён прыбывае ў Бабруйск а 22:10 на аўтавакзал.

Бабруйскія сябры БХД рыхтуюцца да сустрэчы Яўгена Васьковіча і святкуюць гэта ў цэнтры горада.

Нагадаем, Яўген Васьковіч быў асуджаны разам з Арцёмам Пракапенкам і Паўлам Сырамолатавым. Яго прысудзілі да 7 гадоў зняволення паводле абвінавачання ў спробе падпалу дзвярэй бабруйскага аддзялення КДБ. Палітвязня часта кідалі ў карцэр. Пазней з калоніі ён быў пераведзены ў Магілёўскую турму як «злосны парушальнік рэжыму».