Статкевіч запрашае на мітынг 23 верасня на плошчу Свабоды

На сходзе плануецца абмеркаваць вынікі кіравання Лукашэнкі, сам дыктатар таксама запрошаны.

На сходзе плануецца абмеркаваць вынікі кіравання Лукашэнкі, сам дыктатар таксама запрошаны.

Экс-кандыдат на выбарах прэзідэнта ў 2010 годзе, былы палітвязень Мікалай Статкевіч абвясціў правядзенне чарговага сходу выбаршчыкаў на 23 верасня ў Менску на плошчы Свабоды.

«Цяпер ідзе афіцыйная агітацыйная кампанія ў сувязі з прэзідэнцкімі «выбарамі», падчас якой грамадзяне маюць права збірацца і абмяркоўваць «кандыдатаў» і іх праграмы.

У сувязі з гэтым запрашаю ўсіх, каго цікавіць лёс нашай краіны, на сход выбаршчыкаў, які пачнецца ў сераду, 23 верасня, а 18.00 у Менску на плошчы Свабоды. Сход будзе прысвечаны абмеркаванню вынікаў больш чым 21-гадовай дзейнасці Аляксандра Лукашэнкі, якога я таксама запрашаю на гэта абмеркаванне», - напісаў Мікалай Статкевіч у «Фэйсбуку».

Нагадаем, Мікалай Статкевіч ужо правёў пікет 10 верасня каля ГУМа ў Менску. На акцыі, якую наведалі больш за 200 чалавек, палітык заклікаў беларусаў ігнараваць «выбары».