Прэзідэнт Польшчы занёс у Сейм праект закона аб зніжэнні пенсіённага ўзросту

Прэзідэнт Польшчы Анджэй Дуда ўнёс у парламент праект закона аб зніжэнні пенсіённага ўзросту ў краіне.

Пра гэта паведамляе выданне TVN24 bis.

Пры гэтым Дуда выказаў надзею на прыняцце адпаведнага закона дзеючым складам парламента.

«Калі гэтага не адбудзецца, я паўторна ўнясу законапраект у новаабраны Сейм», - сказаў ён.

«Падчас выбарчай кампаніі я ўзяў абавязанні перад выбаршчыкамі. Неаднаразова я чуў пра патрэбу зніжэння пенсійнага ўзросту. Я заключыў пагадненне з грамадскасцю, што пенсійны ўзрост будзе паніжаны», - заявіў Дуда.

Законапраект прадугледжвае зніжэнне пенсіённага ўзросту да 60 гадоў для жанчын і да 65 гадоў для мужчын, піша «ЕвроПравда».

Нагадаем, пенсійная рэформа ў Польшчы 2012 года, прадугледжвала павышэнне пенсіённага ўзросту да 67 гадоў з паступовым выраўноўваннем пенсіённага ўзросту мужчын і жанчын.

Зніжэнне пенсіённага ўзросту было адным з ключавых перадвыбарных абяцанняў прэзідэнта Анджэя Дуды, які хацеў правесці ў гэтым пытанні рэферэндум. Плебісцыт прапаноўвалася правесці 25 кастрычніка - у дзень парламенцкіх выбараў, аднак Сенат Польшчы не даў згоды на яго правядзенне.