У Берасці п'яны бяспраўнік за ноч здзейсніў два ДТЗ і знік

Медыцынскі агляд канстатаваў факт «вельмі нецвярозага» стану кіроўцы (3,6 праміле).

Пра гэта charter97.org паведамілі ў прэс-службе ДАІ Берасцейскай вобласці.

Гісторыя пачалася блізу 20:00 гадзін, калі 32-гадовы берасцеец, кіруючы сваім асабістым аўтамабілем маркі «Фольксваген Шаран», выязджаючы з дваровай тэрыторыі на вул.Валгаградскую, не саступіў дарогу аўтамабілю маркі «Аўдзі» і здзейсніў першае «дробнае» ДТЗ. Выйшаўшы паглядзець і ацаніць сітуацыю, кіроўца «Шарана» не затрымаўся на месцы ДТЗ, і пасля слоў кіроўцы «Аўдзі» аб выкліку ДАІ, неадкладна з'ехаў у кірунку вул.Цэнтральнай, пакінуўшы месца аварыі (гэта ўжо 2 правапарушэнні).

На вул. Цэнтральнай у напрамку вул.28 Ліпеня ён «зачапіў» адну з дзяўчат, якія рухаліся па краі праезнай часткі. Ад удару 24-гадовая берасцейка ўпала. На шчасце, абыйшлося без траўмаў. Кіроўца, у сваю чаргу, нават не спыніўся, каб аказаць дапамогу дзяўчыне. У чарговы раз здзейсніўшы ДТЗ і пакінуўшы месца здзяйснення (яшчэ 2 правапарушэнні), працягнуў начное «катанне» па вул. Цэнтральнай у напрамку вул.Суворова.

На пошукі «Шарана» высунуліся нарады ДАІ. Затрыманне кіроўцы, сумесна з супрацоўнікамі Дэпартамента аховы, адбылося на вул.Суворова. Медыцынскі агляд канстатаваў факт «вельмі нецвярозага» стану вадзіцеля (3,6 праміле).

Таксама было вызначана, што кіроўца не меў права кіравання транспартным сродкам і неаднаразова затрымліваўся за рулём у стане ап'янення, у тым ліку, паўторна на працягу года. У дачыненні да берасцейца было складзена 8 адміністрацыйных матэрыялаў.