Узноўленая поўная карціна нападу на ГЦ у Менску
101- 9.10.2016, 20:30
- 40,693
17-гадовы падлетак забіў адну жанчыну і параніў яшчэ дзвюх.
Надзвычайнае здарэнне адбылося ў Менску ў ГЦ «Новая Еўропа». На паведамленне сведкі, з якой удалося звязацца журналістам onliner.by, у гандлёвы цэнтр увайшоў мужчына. У яго руках была працоўная бензапіла. «Псіхічны хворы нейкі. Ён накінуўся на першага чалавека, які трапіўся і адрэзаў яму галаву», - распавяла дзяўчына (пазней гэтую інфармацыю зняпраўдзілі ў СК).
Мужик в маске был. С топором/тесаком огромным.
— meer (@sirenksa) 8 октября 2016 г.
Вы не представляете, как там дети кричали, вы просто не представляете
Ахвярай была прадавачка аднаго з пункта гандлёвага цэнтра, якая «пайшла купляць сабе калготкі». Падазраванаму ў забойстве - 17 гадоў.
Пасля нападу мужчына кінуў пілу і схапіў сякеру.
- На яго накінуліся мінакі і павалілі, сталі біць. Пакуль не прыехала міліцыя, - распавядае сведка. З яе слоў, быў нейкі другі мужчына, але ён стаяў на вуліцы.
«Пакуль папярэдне забойства», - паведаміў прэс-сакратар ГУУС Менгарвыканкама Аляксандр Ластоўскі.
Зараз у сацыяльных сетках шмат версій. У выхадны дзень у гандлёвым цэнтры традыцыйна шмат наведвальнікаў, і на эмоцыях паказанні сведак разыходзяцца. Паводле другой версіі, тых, хто нападаў было двое: адзін з пілой, іншы з сякерай. Яны бегалі за выпадковымі людзьмі. Кажуць пра другую параненую. Яна дастаўленая ў 10-ю бальніцу. Медыкі ацэньваюць стан жанчыны як сярэдняй ступені цяжкасці. Ёй 46 гадоў. «Пацыентка атрымала два ўдары сякерай у вобласць грудной клеткі і надплечча. Яна абследуецца і праходзіць лячэнне», - удакладнілі ў бальніцы.
Крыху пазней у праваахоўных органах аднавілі карціну ПП. Мужчына прыстойнага выгляду увайшоў у гандлёвы цэнтр праз галоўны ўваход з чахлом ад гітары за спіной. Потым ён дастаў з чахла бензапілу, уключыў яе і напаў на адну з наведвальніц. Яна загінула на месцы. Затым мужчына дастаў з чахла сякеру і нанёс два ўдары іншай дзяўчыне - яе даставілі ў бальніцу.
- Мужчына прынёс бензапілу і сякеру ў чахле ад гітары, - распавяла афіцыйная прадстаўніца Следчага камітэта Юлія Ганчарова. - Ён нанёс цялесныя пашкоджанні жанчыне бензапілой, яна загінула на месцы. Пацярпела яшчэ адна жанчына. Чуткі пра адрэзаную галаву не адпавядаюць рэчаіснасці, гэтак жа як і інфармацыя пра тое, што зламыснікаў было двое. Падазраваны затрыманы, гэта мужчына славянскай знешнасці 1998 года нараджэння, беларус паводле нацыянальнасці. Следчым камітэтам распачата крымінальная справа.
Загінулая - 1973 года нараджэння, работнік гандлёвага цэнтра. Пацярпелая - 1970 года нараджэння, наведвальніца.
У міліцыі апісалі напад штохвілінна. 17:27 - хлопец уваходзіць у ГЦ праз бакавыя ўваходныя дзверы. 17:28 - заведзенай бензапілой ён наносіць першай ахвяры пашкоджанні, несумяшчальныя з жыццём. Далей грамадзянін дастае сякеру, пагражае наведвальнікам гандлёвага цэнтра, нападае на другую жанчыну. І толькі праз 6 хвілін, у 17:34, хтосьці тэлефануе ў дзяжурную частку ГУУС. 17:35 - прыбывае першы нарад аховы. 17:36 - нарад ППС. У 17:38 нападнік быў затрыманы.
Уладальнік адной з крам у ГЦ «Новая Еўропа» Леанід Усіч сутыкнуўся з нападнікам недалёка ад піцэрыі гандлёвага цэнтра. Ён узяў палку і выйшаў з маладым чалавекам сам-насам. Кажа, што запомніў яркі плашч хлопца і доўгую сякеру.
- У яго была велізарная сякера - 1,5 метра дзесьці тапарышча. Як кавадла, толькі з вострым наканечнікам, - распавёў Леанід. - Апрануты быў недарэчна - у люмінесцэнтны плашч ярка-салатавага колеру. На галаве была маска. Ну ведаеце, такая, як на горныя лыжы апранаюць, - твар відаць, а ўсё астатняе закрытае. Акуляры гарналыжныя на палову твару, а зверху вялікія навушнікі.
Пазней у інтэрнэце з'явілася фота меркаванага зламысніка ў момант затрымання.