Лукашэнка скупляе золата
42- 24.02.2016, 18:33
- 31,426
Беларусь увайшла ў пяцёрку сусветных лідараў у закупках золата ў студзені.
Такія звесткі апублікаваў Міжнародны валютны фонд, паведамляе БелТА. Беларусь купіла ў студзені 33 тысячы унцый золата і заняла чацвёртае месца ў спісе лідараў у закупках гэтага каштоўнага металу.
На першым месцы - Расея (688 тысяч унцый каштоўнага металу), далей ідуць Турцыя і Казахстан (38 тысяч унцый). Замыкае пяцёрку лідараў Малайзія (10 тысяч унцый). Пры гэтым у статыстыцы МВФ за студзень пакуль не адлюстраваны звесткі пра Кітай (паводле раней агучаных краінай звестак, Кітай закупіў у першы месяц 2016 года 520 тысяч унцый золата).
Паводле інфармацыі Міжнароднага валютнага фонду, найбуйнейшымі прадаўцамі золата са сваіх золатавалютных запасаў сталі Мазамбік (50 тысяч унцый) і Канада (50 тысяч унцый).