«Выбары» 11 верасня: «Пара мяняць лысую рызіну!»

Пад гэтым легендарным лозунгам на «выбары» ідзе актывіст прафзвязу РЭП Ілля Дабратвор.

Прадстаўнік прафзвязу радыёэлектроннай прамысловасці Менскай вобласці Ілля Дабратвор напісаў пра гэта ў «Фэйсбуку».

«Стану дэпутатам - памяняю лысую рызіну. Рэальныя абяцанні - ад рэальных кандыдатаў», - напісаў актывіст.

Нагадаем, што лозунг «Пара мяняць лысую рызіну!» быў слоганам выбарчай кампаніі кандыдата ў прэзідэнты Андрэя Саннікава на выбарах 2010 года.

Пасля легендарны лозунг неаднаразова выкарыстоўваўся прадстаўнікамі беларускай апазіцыі і лідарамі прадпрымальніцкага руху.