Навукоўцы назвалі простыя спосабы падаўжэння жыцця

Навукоўцы заявілі, што нягледзячы на стан экалогіі і анамальную спёку, доўгажыхароў на планеце становіцца ўсё больш.

Спецыялісты адкрылі спосабы падаўжэння жыцця, піша orthodox.od.ua.

Да 2050 года колькасць людзей з узростам больш за 100 гадоў стане нашмат большай, лідараваць у гэтай гонцы будзе Кітай з 472 тысячамі доўгажыхароў. Другімі апынуцца жыхары ЗША з 298 тысячамі чалавек і трэцімі японцы – 272 тысячы. Калі людзі хочуць трапіць у лік шчасліўчыкаў з доўгім жыццём, варта ўсяго толькі карыстацца парадамі прафесіяналаў і выкарыстоўваць іх на практыцы.

Каб дадаць 1 год жыцця, варта толькі завесці свойскую жывёліну, каб было пра каго клапаціцца і не пачувацца самотным. З з'яўленнем сабакі ў доме чалавеку давядзецца кожны дзень яго выгульваць, тым самым ён зможа падтрымліваць і сябе ў форме.

Яшчэ адзін год і месяц дадасць харчаванне, а менавіта сняданак кожны дзень, які нармалізуе абмен рэчываў і робіць чалавека больш устойлівым да стрэсаў. 1,4 года дадасца калі есці хоць адну садавіну за дзень.

Калі піць чырвонае віно, жыццё прадоўжыцца на 1 год і 9 месяцаў. У віне шмат антыаксідантаў. Плюс на 2,8 года стане больш, калі жыць на тэрыторыі, дзе паветра чыстае, напрыклад у горнай мясцовасці. Яшчэ 3 гады дадасца ад моцнага здаровага сну, 7-гадзіннага як мінімум. + 5 гадоў дададуць заняткі спортам, падарожжа, кіно, тэатр. Увогуле ўсё, што прыносіць чалавеку новыя ўражанні.

Калі кожны дзень трэніраваць мозг, даючы яму ежу ў выглядзе крыжаванак або інтэлектуальных гульняў, можна пражыць на 6 гадоў даўжэй. Акрамя таго, своечасовае лячэнне поласці рота таксама спрыяе падаўжэнню жыцця на 6,4 года. Калі кінуць паліць і ачысціць лёгкія, памяншаецца магчымасць захварэць на рак, такім чынам чалавек можа сабе дадаць яшчэ 7 гадоў.

Не варта забывацца пра сэкс, ён не толькі павысіць настрой і палепшыць здароўе, але і падоўжыць жыццё на 8 гадоў. Таксама на 8 гадоў даўжэй жывуць людзі, якія часта ўсміхаюцца і кантактуюць. Галоўнае ў жыцці – актыўнасць і пазітыўнае стаўленне да ўсяго на свеце. Але самы эфектыўны спосаб палепшыць якасць жыцця ад 8 да 16 гадоў – гэта кантраляваць стрэсы. Удары лёсу актывізуюць чалавека, прымушаюць сабрацца і павысіць супраціў арганізма.