У Гародні жорстка збілі кантралёра

П'яная кампанія напала на кантралёра проста на прыпынку.

Як паведамляе УУС Гарадзенскага аблвыканкама, злачынства было ўчыненае некалькі дзён таму.

Брыгада кантралёраў прыбыла на прыпынак, дзе стала правяраць грамадскі транспарт. У адным з тралейбусаў быў п'яны безбілетны пасажыр. Супрацоўнікі кантрольна-рэвізійнай службы спрабавалі правесці яго ў службовы аўтобус, але ён супраціўляўся. Адбыўся канфлікт.

У канфлікт пачалі ўступаць грамадзяне, якія знаходзіліся на прыпынку грамадскага транспарту.

У нейкі момант туды падышла кампанія, двое мужчын паводзілі сябе агрэсіўна. Яны правакавалі супрацоўнікаў кантролю на канфлікт, а пасля нанеслі аднаму з кантралёраў некалькі удараў.

Мужчына 1967 года нараджэння ўпаў на асфальт. У выніку ўдару і падзення ён атрымаў цялесныя пашкоджанні ў выглядзе пералому носа, закрытага пералому пальца і закрытага пералому хвастца, паведамляе УУС Гарадзенскага аблвыканкама.

У гарадзенскай міліцыі адзначаюць, што мінакі актыўна паведамлялі пра бойку, але затрымаць злачынцаў да прыезду міліцыі не ўдалося. Засталіся толькі іх фатаграфіі.