Прэзідэнт ААЭ заклікаў правесці ўсеагульную малітву аб дажджы

Імамы растлумачаць, як прачытаць малітву, для гэтага ў мячэцях пройдуць спецыяльныя лекцыі.

Прэзідэнт ААЭ шэйх Халіфа бен Заед Аль Нахаян заклікаў правесці ва ўсіх мячэцях краіны малітву аб дажджы.

Імамы растлумачаць вернікам, як прачытаць малітву, для гэтага ў мячэцях пройдуць спецыяльныя лекцыі, паведамляе РІА "Новости".

Прэзідэнт будзе асабіста прысутнічаць на цырымоніі ў Вялікай Мячэці Шэйха Заеда ў Абу-Дабі.

Як піша выданне The National, фермеры ў ААЭ апошнім часам спынілі высаджваць насенне праз недахоп вады.

Паводле звестак нацыянальнага цэнтра метэаралогіі і сейсмалогіі, у 2016 годзе са студзеня да сакавіка ў ААЭ прайшлі моцныя дажджы, прычым узровень ападкаў быў вышэйшы, чым у аналагічны перыяд 2015 года. Аднак у цэлым летась назіраўся недахоп дажджоў.

Гэтай зімой у ААЭ стаіць пераважна сонечнае і цёплае надвор'е.