Сям'я бізнэсоўца Цыбуліна выкупіла еўрапейскую дзель у РРБ-Банку

Беларуская бізнэс-сям'я цяпер валодае 22,25% акцый РРБ-Банка.

Як паведамляе агенцтва «Бізнэс-навіны», да угоды ЕБРР належала 13,91% акцый РРБ-Банка, DEG — 8,34% акцый.

Цяпер асноўнымі акцыянерамі банка з'яўляюцца Валянцін і Алена Цыбуліны. Чальцом рады дырэктараў — іхні сын Сяргей Цыбулін.

ЕБРР набыў 25% плюс адна акцыя РРБ-Банка ў кастрычніку 2008 года з мэтай «умацаваць бухгалтарскі баланс і запусціць узгодненую праграму інстытуцыйнага будаўніцтва» для развіцця праграм фінансавання малога бізнэсу.

DEG набыў 15% акцый РРБ-Банка летам 2010 года. Агульная сума нямецкіх інвестыцый склаў 6,3 млн еўра. Укладанне ўгоды дазволіла РРБ-Банку выканаць патрабаванне Нацбанка для дасягнення нарматыўнага капіталу 25 млн еўраў.

Затым дзель еўрапейскіх акцыянераў стала зніжацца на карысць сям'і Валянціна Цыбуліна.

На сайце банка ў раздзеле «Акцыянеры» ўжо з'явілася інфармацыя аб тым, што Таварыства з абмежаванай адказнасцю «Дзікрыс», якое належыць Цыбуліным, з'яўляецца акцыянерам банка.

Сума актываў РРБ-Банк займае 18-е месца ў банкаўскай сістэме Беларусі (193,8 млн. рублёў). Нарматыўны капітал банка на 1 снежня 2016 года складаў 49,9 млн рублёў.

Валянцін Цыбулін у пачатку 1990-х гадоў быў вядомым пастаўшчыком у Беларусь і Расею гульнявых аўтаматаў. Пазней ён стаў акцыянерам банка Экаразвіццё (будучы Алімп і Белгазпрамбанк), з якога пачалася банкаўская гісторыя ягонага бізнэсу. Кампанія Дзікрыс, якой кіруе жонка Алена Цыбуліна, інвеставала ў жылую забудову ў сталічным мікрараёне Сухарава.