Відэафакт: Экс-прэм'ер Францыі ледзь не атрымаў аплявуху падчас візіту ў Брэтань

Мануэль Вальс проста вітаўся з некаторымі людзьмі, якія праходзілі побач.

Кандыдат у прэзідэнты Францыі, былы прэм'ер-міністр краіны Мануэль Вальс ледзь не атрымаў аплявуху падчас свайго візіту ў Брэтань.

Як паведамляе тэлеканал BFM TV, інцыдэнт адбыўся на выхадзе з мэрыі камуны Ламбаль у дэпартаменце Кот-Д'армор (пераклад – gazeta.ru).

Разам з Вальсам з будынка выйшаў міністр абароны краіны Жан-Іў Ле Дрыян. Вальс вітаўся з некаторымі людзьмі, якія праходзілі побач.

Так, з ім павітаўся малады мужчына, а пасля адразу ж паспрабаваў даць палітыку аплявуху. Суправаджалі Вальса супрацоўнікі бяспекі нейтралізавалі нападніка.

Паводле звестак тэлеканала, гэта быў 19-гадовы хлопец, і ён быў затрыманы паводле абвінавачвання ў гвалце супраць чалавека на дзяржаўнай пасадзе.