Французскія сацыялісты выбіраюць кандыдатаў у прэзідэнты
- 22.01.2017, 13:19
- 24,191
У праймерыз Сацыялістычнай партыі ўдзельнічаюць шэсць мужчын і адна жанчына.
Сёння ў Францыі праходзіць першы тур праймерыз Сацыялістычнай партыі, у выніку якіх партыя мае намер скараціць спіс да двух кандыдатаў, з якіх пасля будзе абраны адзін, паведамляе расейская служба ВВС.
Ён будзе ўдзельнічаць у прэзідэнцкіх выбарах, якія пройдуць у Францыі ў 2017 годзе.
У праймерыз удзельнічаюць шэсць мужчын і адна жанчына. Сярод удзельнікаў - былы прэм'ер-міністр Мануэль Вальс. Цяперашні прэзідэнт Франсуа Аланд у выбарах не ўдзельнічае.
Другі тур адбудзецца цягам тыдня пасля першага.
Аднак, хто б ні перамог на праймерыз, паводле апытанняў грамадскай думкі, у гэтага кандыдата будзе не так шмат шанцаў выйсці ў заключны тур на прэзідэнцкіх выбарах у траўні.
Мяркуючы з апытанняў, нарэшце на выбарах будуць змагацца паміж сабой яшчэ адзін былы прэм'ер кансерватар Франсуа Фіён і лідарка Нацыянальнага фронту Марын ле Пэн.