Трамп аднавіў будаўніцтва замарожаных Абамам нафтаправодаў

Прэзідэнт ЗША падпісаў распараджэння аб працягу будаўніцтва нафтаправодаў Keystone XL і Dakota Access.

Працягваючы дзеянні ў скасаванні асноўных пастаноў, падтрыманых адміністрацыяй Абамы, прэзідэнт Трамп падпісаў распараджэнні аб працягу будаўніцтва нафтаправодаў Keystone XL і Dakota Access, што выклікае гарачыя дыскусіі, перадае «Голас Амэрыкі».

Пасля доўгага вывучэння экалагічных наступстваў будаўніцтва Keystone XL – трубаправода, які пераганяў бы неачышчаную нафту з Канады праз цэнтральныя раёны ЗША да нафтаперагонных заводах паблізу Мэксіканскай затокі, адміністрацыя Абамы адхіліла гэты праект. Пастанавілі, што будаўніцтва Keystone XL увайшло б у супярэчнасць з намаганнямі ЗША для ўкладання міжнароднага пагаднення аб кліматычных зменах, закліканага абмежаваць шкодныя выкіды вугляроду ў атмасфэру.

Іншы трубаправод – Dakota Access – закліканы транспартаваць нафту з размешчанага на Сярэднім Захадзе штата Паўночная Дакота ў Ілінойс – выклікаў пратэсты карэнных амэрыканцаў з рэзэрвацыі Стэндынг-Рок, якія належаць да народу сівур, і тых, хто выступіў у іх абарону, бо будаўніцтва нафтаправода азначала б пагрозу для выкарыстання тутэйшымі жыхарамі пітной вады і захаванасці помнікаў культуры карэнных амэрыканцаў.

Пакуль няясна, як распараджэнне Трамп адаб'ецца на пастанове амэрыканскіх вайскоўцаў паспрабаваць знайсці альтэрнатыўны маршрут для трубаправода.