Індэкс Dow Jones упершыню ў гісторыі перавысіў 20 тысяч пунктаў

На фондавым рынку ЗША зафіксаваны новы рэкорд.

У сераду на фондавых рынках ЗША зафіксаваны рэкордны паказчык: індэкс Dow Jones упершыню ў гісторыі падняўся вышэй за адзнаку 20 тысяч пунктаў. Гэта падзея адбылася на фоне перамогі Дональда Трампа на прэзідэнцкіх выбарах, паведамляе «Голас Амерыкі».

Пасля інаўгурацыі прэзідэнт Трамп падпісаў шэраг указаў, накіраваных на зніжэнне падаткаў і закліканых актывізаваць эканамічны рост.

Прэзідэнт ЗША лаканічна адрэагаваў на гэтую навіну ў Твітэры. «Выдатна!» – напісаў ён.

Калі да канца таргоў 25 студзеня DJIA застанецца вышэй за 20 тысяч пунктаў, то яму ўдасца паказаць адзін з найлепшых вынікаў у біржавай гісторыі па хуткасці дасягнення чарговай «тысячнай» адзнакі. У 1999 годзе на тое, каб вырасці з 10 тысяч пунктаў да 11 тысяч пунктаў і замацавацца вышэй за гэтую адзнаку DJIA спатрэбілася 24 гандлёвыя сесіі. Ад 19 тысячы пунктаў да 20 тысяч пунктаў ён можа дайсці за 42 сесіі.

Разлік індэкса DJIA пачаўся ў траўні 1896 года з адзнакі 40,94 пункта.