ІП: Будзем змагацца ўсімі даступнымі спосабамі!

Міністэрства падаткаў і збораў вядзе дыялог з кім заўгодна, толькі не з індывідуальнымі прадпрымальнікамі.

Пра гэта на сваёй старонцы ў Фэйсбуку напісаў кіраўнік грамадскага аб'яднання «Перспектыва» Анатоль Шумчанка:

«Міністэрства падаткаў і збораў вядзе дыялог з кім заўгодна, толькі не з індывідуальнымі прадпрымальнікамі. Не верыце, паглядзіце на іх афіцыйны адказ і назавіце арганізацыю, якая бароніць правы і інтарэсы ІП, як гэта робіць РГА «Перспектыва».

Дарэчы, можа, тыя арганізацыі, хто ў дыялогу, хоць адзін праект закона паказалі для ІП Беларусі? Можа, паставілі людзей у вядомасць? Або праінфармавалі СМІ?

Брыдка стала чытаць такія адпіскі чыноўнікаў, якімі рухае элементарная некампетэнтнасць і страх адказнасці перад простымі людзьмі і іх наўпроставымі пытаннямі!

Інакш гэта нічым не патлумачыш, так званая пазіцыя ў дачыненні да ІП, як да людзей другога або трэцяга гатунку.

Хачу нагадаць, што дзякуючы Указу 222 краіна страціла 19 млн даляраў паступленняў ад ІП за перыяд з 2015 да 2016 года. Страчаныя тысячы працоўных месцаў. На чарзе тысячы ІП на закрыццё.

У мяне наўпроставае пытанне да аўтараў адпіскі: адказаць не хочаце за гэтыя страты або толькі і можаце прапаноўваць дэпазіты ад турмы для прадпрымальнікаў?

Спадарыня Святлана Шаўчэнка, цяперашнія перагаворшчыкі, якіх вы пазначылі ў адпісцы, ніколі не стаялі ля сцен Урада, ІП гэта рабілі не адзін раз. Можа, годзе наступаць на адны і тыя ж граблі, пераадолець свой ведамасны эгаізм і пыхлівасць і спусціцца на зямлю да простых людзей і пачуць іх?

Няўжо цяжка гэта зрабіць для некаторых чыноўнікаў, якія акапаліся ў сваіх кабінетах і ўзвялі абарону ад свайго ж народа?

Не жадаеце бачыць у сябе Шумчанку - не пытанне, але запрашайце простых ІП, раду рынкаў ці гандлёвых цэнтраў. Не даводзьце людзей да адчаю! Мяне можна ігнараваць, саджаць у турму, як гэта перыядычна робіцца, аднак гэта не развяжа нічога, каб магло змяніць стаўленне народа да чыноўнікаў МПЗ. Проста дэманструецца свой узровень і твар на ўсю рэспубліку, здзеклівага стаўлення да праблем ІП раздробнага гандлю, і не толькі. Па-іншаму гэта не ацэніш!

А змагацца мы будзем і далей, у тым ліку і з такімі чыноўнікамі, бо краіна нам бліжэй і даражэй, чым ім!»