Турэцкія цырульнікі ўвялі забарону на «амерыканскія стрыжкі»

Цырульнікі вызначылі стрыгчыся «па-турэцку».

Пасля таго, як Злучаныя Штаты прыпынілі выдачу неіміграцыйных віз грамадзянам Турцыі, цырульнікі з курортнага горада Самсун увялі забарону на мужчынскую стрыжку, вядомую пад назвай «амерыканец».

Забіт Пілан, кіраўнік цырульніцкай супольнасці горада, кажа, што такім чынам патрыёты наважыліся падтрымаць прэзідэнта Турцыі Раджэпа Эрдагана, паведамляе CNN Türk (пераклад - newsru.com).

«Палітыка, якую ЗША вядуць у дачыненні да нашай краіны, цалкам памылковая. Наш прэзідэнт правільна робіць, што сіметрычна адказвае на захады, ужытыя супраць Турцыі. Тое, што амерыканскія чыноўнікі спынілі выдаваць візы грамадзянам Турцыі, непрымальна», - заявіў ён.

«Мы, як цырульнікі, забаранілі «амерыканскія стрыжкі», каб падтрымаць нашага прэзідэнта і краіну. Ніводная цырульня ў Самсуне не будзе рабіць стрыжкі па-амерыканску. Мы будзем стрыгчы валасы ў стылях, падыходных для нашай культуры. З гэтага моманту мы будзем стрыгчыся па-турэцку», - сказаў Пілан.

Паводле звестак СМІ, у многіх цырульняў Самсуна з'явіліся аб'явы: Тут не робяць амерыканскія стрыжкі».

У пачатку кастрычніка ў Стамбуле быў арыштаваны супрацоўнік амерыканскага генконсульства, грамадзянін Турцыі Мецін Тапуз. Яму выстаўленыя абвінавачванні ў шпіянажы і датычнасці да спробы канстытуцыйнага перавароту ў Турцыі.

У адказ на затрыманне Тапуза Вашынгтон спыніў выдачу турэцкім грамадзянам неіміграцыйных віз. У Турцыі гэты захад назвалі несправядлівым і, у сваю чаргу, прыпынілі выдачу віз амерыканцам.