Беларусь адмовіцца ад валюты ў разліку мытных збораў
5- 13.10.2017, 20:01
- 23,213
Стаўкі мытных збораў з 1 студзеня 2018 года ўстановяць у беларускіх рублях.
Стаўкі мытных збораў з 1 студзеня 2018 года ўстанаўліваюцца ў беларускіх рублях. Адпаведны ўказ №374 Лукашэнка падпісаў 13 кастрычніка.
Гэтае рашэнне накіраванае на далейшую дэдаларызацыю эканомікі, патлумачылі tut.by у прэс-службе дыктатара.
Цяпер у Беларусі падрыхтаваны законапраект, які прадугледжвае адмову ад выкарыстання валютных прывязак у дамовах. Фінансавы выражэнне абавязанняў паміж рэзідэнтамі прадугледжваецца пакінуць выключна ў беларускіх рублях. Таксама плануецца змяніць падыходы да фармавання тарыфаў, збораў, ставак - яны таксама будуць выражацца толькі ў беларускіх рублях, без выкарыстання абменнага курсу для індэксавання.
У Беларусі дзейнічаў шэраг дазволаў на выкарыстанне замежнай валюты для асобных суб'ектаў і кірункаў дзейнасці, але сёння новыя дазволы не выдаюцца, а старыя - не падаўжаюцца, такой пазіцыі прытрымліваецца Нацбанк, які з'яўляецца правадніком палітыкі дэдаларызацыі эканомікі.