Сечын: Сланец можа апусціць нафту ў 2018 годзе

Будучыня расейская нафтавай прамысловасці няпэўная.

Рынак нафты, які паказаў рост коштаў больш чым на 100% з пачатку 2016 года, застаецца "няўстойлівым", заявіў кіраўнік "Раснафты" Ігар Сечын, выступаючы на Х Еўразійскім форуме ў Вероне, паведамляе finanz.ru.

Паводле ягоных слоў, чакаць далейшага росту катыровак ва ўмовах развіцця сланцавай здабычы ў ЗША, не варта.

"Раўнавага пакуль крохкая, - заявіў Сечын. - Сланцавая здабыча ў ЗША, у якой назапашаныя вялікія запасы прасвідраваных, але няскончаных свідравін, можа, пры адпаведным узроўні коштаў, даць у 2018 годзе значны прырост здабычы, і зноў дэстабілізаваць рынак".

Паводле слоў Сечына, пагадненне краін OPEC і Расеі, у рамках якога найбуйнейшыя экспарцёры нафты пагадзіліся знізіць здабычу на 1,8 млн барэляў за дзень, пакуль не дасягнула сваёй мэты, нягледзячы на тое, што яно было падоўжанае ў траўні і, як чакаецца, яшчэ будзе падоўжанае ў лістападзе.

"Аналіз паказвае, што заяўленая мэта нармалізацыі ўзроўню запасаў пакуль не цалкам рэалізаваная і казаць аб пераломе рана", - канстатаваў ён: паводле звестак МЭА, на верасень у камерцыйных сховішчах было яшчэ больш за 3 млрд барэляў, што на 170 млн барэляў вышэй за сярэдні ўзровень за 5 гадоў, да якога імкнецца OPEC.

У той жа час Сланцавая здабыча, хоць і расце з хуткасцю 1,5 млн барэляў за дзень штогод, застаецца стратнай: да станоўчай грашовай плыні кампаніі ЗША выйдуць не раней за 2020 год пры ўмове кошту 70 даляраў за барэль, заявіў Сечын: выдаткі на праекты сланцаў на траціну перасягаюць тыя, што патрабуюцца для традыцыйнай нафты.

"Дзейнасць для стабілізацыі рынку абцяжараная адсутнасцю дакладнай i празрыстай інфармацыі і аналітыкі як пра запасы, так і па рэальную сітуацыю з балансам попыту і прапановы. Гэта стварае глебу для спекулятыўных маніпуляцый рынкам у пошуках кароткатэрміновай выгады. Тут ключавая задача - стварэнне адзінай сістэмы вымярэння запасаў і пераадолення празмерных запасаў", - заявіў Сечын.

Паводле ягоных слоў, шэраг вытворцаў паводзяць сябе безадказна, пампуючы максімальныя аб'ёмы ў шкоду стабільнасці глабальнага рынку: кампаніі "арыентуюцца на кароткатэрміновы гарызонт з мэтай максімізацыі сённяшніх даходаў".

Пры гэтым, як мяркуе Сечын, попыт на вуглевадароды ў свеце працягне расці разам з узроўнем жыцця і развіццём сусветнай эканомікі, якой штогод будуць патрабавацца дадатковыя пастаўкі на 0,7-0,8 млн барэляў на дзень.

"Наважваюся вас запэўніць, што чуткі пра "смерць" нафты моцна перабольшаныя. Нафта застанецца асновай сусветнай паліўнай энэргетыкі і на перспектыву 20-30 гадоў наперад , і больш", - адзначыў ён.

Дзель вадкіх вуглевадародаў у структуры сусветнага спажывання энэргіі ў доўгатэрміновай перспектыве будзе павольна зніжацца, але па-ранейшаму застанецца досыць высокай - блізу 30% сусветнага спажывання першаснай энэргіі, пры павелічэнні іх фізічных аб'ёмаў, дадаў кіраўнік "Раснафты".

"Пэўнае зніжэнне дзелі нафты ў агульным балансе энэргарэсурсаў будзе практычна цалкам кампенсаванае ростам дзелі газу і падаўжэннем вытворнага нафтапрадуктовага ланцужка, перш за ўсё, за кошт нафтахімічнай вытворчасці; зніжэнне дзелі вугалю будзе кампенсаванае ростам дзелі больш экалагічных крыніц энэргіі, у тым ліку газагенерацыі і, мабыць, атамнай энэргіі", - растлумачыў Сечын.