Дональд Туск: Лідары ЕЗ пагадзіліся перайсці да другога этапу перамоваў аб Brexit
- 20.10.2017, 14:43
- 6,922
Бакі пяройдуць да абмеркаванняў будучых стасункаў ЕЗ з Брытаніяй.
Лідэры краін Еўрапейскага Звязу пагадзіліся на пераход да другога этапу перамоваў аб выхадзе Вялікай Брытаніі з ЕЗ (Brexit). Як паведамляе rbc.ua, пра гэта заявіў прэзідэнт Еўрапейскай рады Дональд Туск.
«Прэзідэнт Еўрапейскай рады Дональд Туск кажа, што лідары 27 краін ЕЗ далі зялёнае святло падрыхтоўцы да 2-га этапу перамоваў аб Brexit», - гаворыцца ў паведамленні.
Другі этап перамоваў аб Brexit закране структуру будучых стасункаў ЕЗ з Вялікай Брытаніяй і пераходны перыяд у іх. Першы этап складаўся ва ўзгадненні правоў грамадзян, ірландскай мяжы і ўрэгуляванні фінансавых абавязацельстваў Брытаніі перад ЕЗ. Раней Туск заявіў, што Лондан павінен унесці канкрэтныя прапановы для прагрэсу аб Brexit.
«Мы павінны напружана працаваць да снежня, каб скончыць першую фазу і пачаць перамовы пра нашы будучыя стасункі са Злучаным Каралеўствам. Але для гэтага нам патрэбныя не толькі сапраўды шматабяцаючыя бачанні і прапановы, але вельмі канкрэтныя прапановы на перамовах», - сказаў Туск.