Туск: Перамоў па Brexit не будзе, пакуль Брытанія не развяжа пытанне мяжы з Ірландыяй
- 1.12.2017, 21:24
- 9,444
Тэрэза Мэй павінна ў панядзелак даць канчатковае рашэнне аб ірландскай мяжы.
ЕЗ адмовіцца ад патрабавання да Вялікабрытаніі ў перамовах па пераходзе пасля Brexit і пра будучы гандлёвы пакт, калі Ірландыя не прыме прапанову Лондана ў памежных пагадненнях з Паўночнай Ірландыяй. Пра гэта ў пятніцу, 1 снежня, заявіў прэзідэнт Еўрапейскай рады Дональд Туск, паведамляе Reuters.
«Перш чым прапаноўваць кіруючыя прынцыпы адносна пераходных і будучых адносін з лідарамі, я буду кансультавацца з прэм'ер-міністрам Ірландыі, ці з'яўляецца прапанова Вялікабрытаніі дастатковай для ірландскага ўрада», - сказаў Туск.
З ягоных слоў, калі прапанова Вялікабрытаніі будзе непрымальная для Ірландыі, гэта таксама будзе непрымальна для ЕЗ.
«Я разумею, што для некаторых брытанскіх палітыкаў гэта можа быць цяжка зразумець», - сказаў ён.
Былы прэм'ер-міністр Польшчы Туск таксама адзначыў, што даў брытанскай прэм'ер-міністарцы Тэрэзе Мэй тэрмін да панядзелка, каб зрабіць «канчатковую прапанову» па ірландскай мяжы.