«Варашылаўскі стралок» з Жодзіна: Бацька заступіўся за дачку
- 15.12.2017, 10:31
- 34,563
63-гадовы жодзінец прыйшоў з абрэзам да ўладальніка крамы сантэхнікі.
Учора недзе а 10. 40 да патруля Жодзінскага аддзела дэпартамента аховы, што нясе службу на вуліцы Дзеравянка ў Жодзіне, звярнуўся мужчына і паведаміў, што ён у памяшканні крамы на вуліцы 50 год Кастрычніка з паляўнічага абрэза ўчыніў забойства свайго знаёмага, піша ex-press.by.
На месца неадкладна выбылі супрацоўнікі Жодзінскага ГАУС. На месцы інфармацыя аб учыненні забойства пацвердзілася.
Затрыманы дастаўлены ў Жодзінскі ГАУС. У дачыненні да яго праводзяцца першапачатковыя аператыўна-вышуковыя і следчыя мерапрыемствы.
Як стала вядома ex-Press.by, некалькі гадоў таму родны брат Дзмітрыя загінуў у аўтамабільнай катастрофе, ягоная жонка атрымала мноства ран, засталася інвалідам. Бізнэсам, звязаным з продажам сантэхнікі, валодаў бацька загінулых братоў - Васіль К.
Як паведаміла крыніца ex-Press.by, у прадпрымальніка страляў 63-гадовы Уладзімір Ш., бацька жонкі роднага брата загінулага.
Пасля аўтааварыі, у якой ягоная дачка засталася інвалідам з маленькім дзіцем на руках, сваякі мужа, у тым ліку забіты Дзмітрый, адсудзілі ў яе бізнэс і кватэру.