У Расеі прызначылі дату «выбараў» прэзідэнта

Пастанову прыняў Савет Федэрацыі.

Чальцы Савета Федэрацыі падтрымалі пастанову аб прызначэнні прэзідэнцкіх выбараў у Расеі на 18 сакавіка 2018 года. За яе прагаласавалі 160 сэнатараў, паведамляе rbc.ru.

Напярэдадні прызначэнне дня галасавання на гэтую дату падтрымаў камітэт верхняй палаты канстытуцыйнага заканадаўства. «Абмеркаванне праходзіла з удзелам прадстаўнікоў ЦВК, з прадстаўнікамі прэзідэнта. Яго падтрымалі адзінагалосна", - распавёў кіраўнік камітэта Савету Федэрацыі Андрэй Клішас.

На пасяджэнні прысутнічала старшыня ЦВК Эла Памфілава. Яна выступіла перад сэнатарамі, распавяла пра падрыхтоўку да дня галасавання - пра магчымасць галасавання не на месцы жыхарства, аб распрацоўцы электронных скрыняў для галасавання і аб інфармацыйна-растлумачальнай працы ЦВК. Яна паказала чальцам ніжняй палаты распрацаваны кампаніяй «Іма-кансалтынг» лагатып выбарчай кампаніі і відэаролік з заклікам галасаваць.

«Спадзяюся, што выбары, нягледзячы на песімістычныя прагнозы, будуць канкурэнтнымі, цікавымі, з сюрпрызамі - спадзяюся, прыемнымі», - сказала Памфілава. Яна дадала, што ўжо 23 чалавекі заявілі пра намер стаць кандыдатамі на прэзідэнцкіх выбарах.

Дата выбараў павінна быць прызначаная за 90-100 дзён да дня галасавання, вынікае з Канстытуцыі. Зыходзячы з календара святочных дзён, сакратарка ЦВК Мая Грышына казала, што выбары павінны адбыцца 18 сакавіка 2018 года.

Згодна з заканадаўствам, ёсць два варыянты вылучэння на прэзідэнцкіх выбараў. Кандыдата павінна падтрымаць зарэгістраваная Мінюстам палітычная партыя альбо ён можа пайсці самавылучэнцам. Для гэтага неабходна стварыць ініцыятыўную групу выбарцаў як мінімум з 500 чалавек. Самавылучэнцам трэба сабраць не менш за 300 тысяч подпісаў, але не больш за 7,5 тысяч у адным суб'екце. Калі кандыдат ідзе ад партыі, планка зніжаецца да 100 тысяч подпісаў (2,5 тысячы на адзін рэгіён). Кандыдаты ад партыі з прадстаўніцтвам у Дзярждуме ад збору подпісаў вызваленыя.

У пачатку снежня прэзідэнт Расеі Уладзімір Пуцін абвясціў пра вылучэнне сваёй кандыдатуры на выбарах, падчас вялікай прэс-канферэнцыі ён абяцаў удзельнічаць у іх як самавылучэнец. Таксама пра планы балатавацца паведамілі тэлевядоўца Ксенія Сабчак, лідар ЛДПР Уладзімір Жырыноўскі, бізнэс-амбудсмэн Барыс Цітоў, лідар КПРФ Генадзь Зюганаў і сузаснавальнік «Яблыка» Грыгорый Яўлінскі.

Вылучаць сваю кандыдатуру на пасаду кіраўніка дзяржавы таксама планавалі апазіцыянер Аляксей Навальны і бізнэсовец Сяргей Палонскі. Але ў ЦВК патлумачылі, што калі заканадаўства застанецца ранейшым, балатавацца яны не змогуць праз свае судзімасці.