22 жнiўня 2019, Чацвер, 4:44
Мы ў адной лодцы
Рубрыкі

Відэафакт: На вуліцы Кульман адзін кіроўца надаваў штурхалёў іншаму і з'ехаў

106
Відэафакт: На вуліцы Кульман адзін кіроўца надаваў штурхалёў іншаму і з'ехаў

Інцыдэнт трапіў на запіс відэарэгістратара.

У суботу, 2 снежня, на вуліцы Кульман у Менску, побач з Камароўскім рынкам, кіроўца Audi набіў чалавека за тое, што той не прапусціў яго на дарозе. Інцыдэнт трапіў на запіс відэарэгістратара, які паказаў Onliner.by чытач.

Гэта здарылася блізу 16:00. Аўтамабілі рухаліся вуліцай Кульман. Кіроўца Audi A4 зялёнага колеру не стаў прапускаць цёмны ўніверсал той жа маркі, кіроўца якога ад'язджаў ад краю праезнай часткі і спрабаваў уклініцца ў паласу. Абодва аўто прадаўжалі рух пакуль, як мяркуецца, не адбылося сутыкненне.

- Дотык быў, хоць і мінімальны: на чорным аўто я не ўбачыў пашкоджанняў - кіроўца пазней з'ехаў. А на зялёнай Audi засталася невялікая драпіна на крыле, але нават увагнутасці не было, - распавёў карэспандэнту аўтар відэа.

Тое, як затым павёў сябе кіроўца ўніверсала, трапіла на відэа. Мужчына выйшаў з аўто, падышоў да зялёнай Audi, адкрыў дзверы кіроўцы і стукнуў яго не менш за чатыры разы рукамі. Пасля гэтага ён зрабіў акцэнтаваны рух рукой у вобласць твару відавочцы, які стаў здымаць здарэнне на свой смартфон.

- Я атрымаў штурхель ў вока ад гэтага чалавека, - распавёў наш чытач. - Мужчына паводзіў сябе неадэкватна, вельмі агрэсіўна. Ён збіў кіроўцу Audi дзвюма рукамі - гэта добра відаць на запісе. Пры гэтым мужчына казаў пра тое, што кіроўца зялёнага аўто вінаваты ў ДТЗ, абвінавачваў яго ў здарэнні.

Жанчына, якая ехала на пярэднім пасажырскім сядзенні ўніверсала Audi, таксама выйшла з машыны. Са слоў відавочцы, яна спрабавала супакоіць мужчыну і нават выбачылася за ягоныя паводзіны.

- Я сказаў нападніку, што выклічу міліцыю. Ён адказаў: «Выклікай», але неўзабаве з'ехаў, - распавёў аўтар відэа.

На месца выклікалі супрацоўнікаў ДАІ, міліцыю і хуткую дапамогу. ДАІ - бо здарылася ДТЗ і адзін з удзельнікаў з месца здарэння ўцёк. Міліцыю - бо адзін чалавек напаў на другога. І хуткую – для кіроўцы зялёнай Audi. На відэа бачна, што ў мужчыны пайшла кроў. Відавочца распавёў, што ўдары, мяркуючы з усяго, былі нанесеныя ў вобласць вуха і скулы.

- Пацярпелага хуткая забрала ў шпіталь, там, наколькі мне вядома, знялі пабоі. Ён, як пацярпелы, і я, як сведка, распавялі пра здарэнне супрацоўнікам міліцыі, яны прынялі заяву. У міліцыю я ўжо адправіў гэта відэа, яшчэ адпраўлю ў ДАІ, - дадаў суразмоўца.

Дапоўнена

У ГУУС Менгарвыканкама карэспандэнту пацвердзілі, што заява аб гэтым факце сапраўды паступала. І асоба кіроўцы ўніверсала Audi была аператыўна ўстаноўленая. Аднак, як растлумачылі ў міліцыі, цяпер ён не затрыманы.

- Кіроўца, якому былі нанесеныя ўдары, не змог апазнаць гэтага чалавека, гэтак жа як і сведка таго, што адбылося, - сказалі ў ГУУС. - Праводзіцца праверка, пасля якой і будзе дадзеная кваліфікацыя.