Беларусы сталі менш жаніцца
66- 25.02.2017, 11:36
- 25,443
Колькасць зарэгістраваных шлюбаў у Беларусі ў 2016 годзе скарацілася больш чым на 20%.
«У параўнанні з 2015 годам зменшылася колькасць актаў пра заключэнне шлюбу на 21%», – паведамілі ў Мінюсце. У той самы час колькасць разводаў вырасла на 1,4%.
У 2016 годзе ў краіне зарэгістравана больш за 64,5 тыс. шлюбаў. У тым ліку аддзеламі загса праведзена больш за 660 «залатых» і больш за 720 «срэбных» вясельных юбілеяў.
У Мінюсце таксама адзначылі, што летась беларусы радзей мянялі імёны – на 16%, а лік усынаўленняў вырас на 6,5%.