Данкверт: Мы маглі б «закрыць» Беларусь без усялякіх размоў

Кіраўнік Рассельгаснагляда Сяргей Данкверт заявіў, што забароны на ўвоз у РФ прадукцыі з Беларусі няма.

«Мы не давяраем сертыфікацыі, якую робяць калегі. З іншага боку, мы наогул «закрылі» б краіну без усялякіх размоў, але ўлічваючы тое, што мы саюзная дзяржава, то пакуль ужылі захады да Менскай вобласці», - адказаў кіраўнік Рассельгаснагляду на пытанне журналіста у праграме «Весткі ў суботу» на тэлеканале "Россия 1".

Рассельгаснагляд з 6 лютага ўвёў часовыя абмежаванні на пастаўкі ялавічыны і ялавічных субпрадуктаў прадпрыемстваў з Менскай вобласці, западозрыўшы іх у рээкспарце з Украіны. Раней установа ўвяла часовыя абмежаванні і дадатковыя патрабаванні да паставак з чатырох мясаперапрацоўчых заводаў Беларусі.