10 рэчаў, якія дзівяць у швэйцарскай школе

Самыя цікавыя факты пра швэйцарскую школу.

Сваімі ўражаннямі падзялілася Ірына Плыткевіч, мама двух дзяцей, якія наведваюць швэйцарскую школу. Adme.ru падзялілася самымі цікавымі фактамі.

1. Урокі ідуць блокамі па паўтары гадзіны. Паміж імі 20 хвілін адпачынку, падчас якога дзеці заўсёды на вуліцы. Дзеці выходзяць з класа на тэрасу, якая ёсць у кожнага класа, ім нават не трэба пераабувацца. Ва ўсякі дождж і вецер яны там. У добрае надвор'е усе (і настаўнікі) гуляюць у футбол, баскетбол, пінг-понг, іншыя гульні. Дзіця, якое не бегае, хутчэй за ўсё, адвядуць да лекара.

2. З 11.30 да 13.30 абедзенны перапынак. Можна застацца ў школе, можна вярнуцца дадому. Таму дзеці наогул не стамляюцца. З раніцы вучацца з 8.15, вечарам да 16.00. У сераду кароткі дзень да 11.30.

3. Каб дзеці не баяліся фармуляваць свае думкі ў пісьмовым выглядзе, у школе ёсць пошта «настаўнік - вучань». У кожнага дзіцяці свая паштовая скрыначка, туды кладзеш запіску, настаўнік абавязкова адказвае асабіста табе. Карыстаецца неімаверным поспехам - з раніцы ўсе бягуць забіраць свае лісты.

4. Слоўнікавыя дыктоўкі пішуць пад малюначкам. Гэта значыць, пад малюначкам, які пазначае нейкае слова, трэба напісаць правільна само гэтае слова. А не пад дыктоўку. Дзіця запамінае, як пішацца слова, візуальна супастаўляючы яго з малюначкам. Гэта працуе нерэальна.

5. Калі робяць даклад, заўсёды ўключаюць музыку, дзеці выбіраюць яе самі. У дакладзе вітаецца ўбор і рэквізіты, такі міні-спектакль. Ніякіх прэзентацый у Power Point няма. Мяркуецца, што дзіця ў пачатковай школе не можа зрабіць прэзентацыю самастойна.

6. На матэматыцы не тлумачаць, як рашаць прыклады. Дзіця само, на аснове ўжо наяўных у яго ведаў, павінна прыдумаць, як лягчэй вырашыць, дапусцім, 48 плюс 53, выйсці і растлумачыць. Правільнага спосабу няма, усе вырашаюць так, як ім зручна. Сваім спосабам.

7. Шмат што чапаюць рукамі, увесь навакольны свет - гэта наогул пра «пакратаць і паспрабаваць». Дэгуставалі тут пшаніцу, жыта і авёс, потым ездзілі на млын гэта ўсё малоць. Ім паабяцалі, што пекар спячэ з іх мукі ім булачкі і прынясе гэта ўсё ў школу. На геаграфіі вывучаюць мясцовы рэгіён літаральна так: вось тут у нас такая вось рэчка, хадзем глядзець. На прадмет, які трэба «зрабіць рукамі» - attivita creativa, гадзін столькі ж, колькі і на фізкультуру, і гэта два лідары ў колькасці гадзін на тыдзень.

8. Мяркуюць, што памылкі - шлях да поспеху. Дзецям тлумачаць, што памыляцца добра і можна, перажываць тут увогуле няма чаго, таму што ты: а) думаеш крэатыўна; б) не баішся спрабаваць.

9. Даведка ад лекара патрэбная, калі толькі прапускаеш больш за 2 тыдні. Праўда, гэта адзіны выпадак, калі трэба ўсё заданні рабіць дома.

10. Школа пачатковая, муніцыпальная, абсалютна бясплатная.