У Лондане праходзяць масавыя акцыі пратэсту супраць выхаду з ЕЗ

Прэм'ер-міністр Вялікай Брытаніі павінна афіцыйна абвясціць аб пачатку працэдуры выхаду краіны са складу ЕЗ 29 сакавіка.

Дзясяткі тысяч чалавек выйшлі ў Лондане на акцыі пратэсту супраць выхаду Брытаніі з Еўразвязу, усяго за чатыры дні да таго, як прэм'ер-міністр Тэрэза Мэй мае намер запусціць працэс афіцыйнага выхаду з аб'яднання. Пра гэта паведамляе Reuters (пераклад – liga.net).

Удзельнікі акцыі трымаюць сцягі ЕЗ і плакаты «Спыніце Brexit!», «Brexit крадзе маю будучыню», «З Днём Нараджэння, ЕЗ!».

У Рыме сёння адзначаецца 60-я гадавіна падпісання Рымскай дамовы, якая паклала пачатак ЕЭС - папярэдніку Еўразвязу. У рамках урачыстых мерапрыемстваў 27 краін-чальцоў Еўрапейскага Звязу, Еўрапейская рада, Еўрапейскі парламент і Еўрапейская камісія падпісалі Рымскую дэкларацыю, у якой пазначылі кірункі працы на найбліжэйшыя дзесяць гадоў.

Прэм'ер-міністр Вялікай Брытаніі Тэрэза Мэй афіцыйна абвесціць пра пачатак працэдуры выхаду краіны са складу Еўрапейскага Звязу 29 сакавіка.