Журналіст «Дождя»: У Беларусі выведзеная асаблівая парода людзей
61- 25.03.2017, 21:39
- 27,471
Нават у вонкавых антрапалагічных прыкметах яны маюць мала агульнага з астатнімі беларусамі.
Пра гэта пасля брутальнага разгону мірных дэманстрантаў у Менску напісаў журналіст расейскага тэлеканала «Дождь» Сяргей Ержанкоў.
«Калі мне казалі, што ў Беларусі выведзеная асаблівая парода людзей, і яны нават у вонкавых антрапалагічных прыкметах маюць мала агульнага з астатнімі беларусамі, я, прызнацца, уважаў гэта за перабольшанне.
Сёння я тварам да твару сутыкнуўся з гэтымі байцоўскімі сабакамі без наморднікаў. Грымасы нянавісці, аскаленыя морды. Утрох-упяцёх яны збівалі старых і жанчын. Не ведаю, як іх дрэсіруюць, чым іх напампоўваюць, але гэта страшнае відовішча. У нас такое было толькі 6 сакавіка.
Ні на водным расейскім мітынгу мяне не пакідала адчуванне, што ў выпадку затрымання ёсць, хай і прывідны, шанец дамовіцца. Тут гэтага адчування не было. Гэтыя быкі маюць сваю праўду:
Ім не трэба сонца, цемры ім дастаткова», - напісаў Ержанкоў на сваёй старонцы ў «Фэйсбуку».