Майк Пэнс паабяцаў жорстка адказаць на агрэсію КНДР

Віцэ-прэзідэнт ЗША заявіў, што Злучаныя штаты разглядаюць усе магчымыя варыянты адказу на агрэсію з боку КНДР.

Віцэ-прэзідэнт ЗША Майк Пэнс прыбыў з візітам у Паўднёвую Карэю ўсяго праз дзень пасля таго, як Пхеньян правёў чарговы няўдалы запуск ракеты, паведамляе ВВС.

Пэнс заявіў, што Злучаныя Штаты разглядаюць усе магчымыя варыянты адказу на агрэсію з боку КНДР, у тым ліку і вайсковыя дзеянні.

Аднак пакуль незразумела, ці сапраўды ЗША гатовыя напасці на Паўночную Карэю, калі даведаюцца аб планах запуску міжкантынентальнай ракеты.