У мексіканскім заапарку паказалі дзіцянятаў белага бенгальскага тыгра

Рэдкая жывёліна знаходзіцца на мяжы знікнення.

У заапарку мексіканскага горада Сьюад-Хуарэс наведвальнікам упершыню паказалі двух дзіцянятаў белага бенгальскага тыгра.

Яны з'явіліся на свет месяц таму, паведамляе Reuters.

Бацькоў тыгранятаў, маму Сашу і тату Язіма, два гады таму забралі з цырка, з тых часоў яны жывуць у заапарку. Дзіцяняты нарадзіліся здаровымі. Да пачатку сезону халадоў і дажджоў яны будуць праводзіць час у адкрытым вальеры, потым пераедуць у павільён. Гадавальнік прапануе ўсім ахвотным паўдзельнічаць у выбары імёнаў для нованароджаных – праз інтэрнэт-галасаванне.

Белы бенгальскі тыгр з'яўляецца нацыянальнай жывёлай Бангладэш, Індыі і Кітая, іх папуляцыя прадаўжае скарачацца праз браканьерства і высечку лясоў.