Трамп пачаў першае замежнае турнэ візітам у Саудаўскую Аравію
- 20.05.2017, 12:26
- 12,499
Сёння Дональд Трамп абмяркуе з кіраўніцтвам Саудаўскай Аравіі ўмацаванне супрацоўніцтва і развіццё стасункаў.
Прэзідэнт ЗША Дональд Трамп пачаў сваё першае замежнае турнэ візітам у Саудаўскую Аравію. Як паведамляе Reuters, кіраўнік Белага Дому сёння, 20 траўня, абмяркуе з кіраўніцтвам Саудаўскай Аравіі ўмацаванне супрацоўніцтва і развіццё стасункаў.
У Эр-Рыядзе таксама адбудзецца сустрэча лідараў краінаў Рады супрацоўніцтва арабскіх дзяржаваў Персідскага заліва. Да яе, як чакаецца, далучацца кіраўнікі больш як 40 арабскіх і мусульманскіх краінаў.
Потым у рамках турнэ Трамп будзе ўдзельнічаць у саміце NATO ў Брусэлі, а таксама наведае Ізраіль і Ватыкан. Яго суправаджае першая лэдзі Мелані Трамп.